Shaista Mufti
ek umr lagti hai ashiyan banane men
aur pal nahin lagta bijliyan girane men
puchhte ho kya mujh se kaun si hai ye manzil
tirgi sulagti hai ik diya jalane men
kaun ḳhvab dekhega dusri rifaqat ke
zindagi bata di hai tum ko bhuul jaane men
shab-gazida shahzadi saj-sanvar ke aa.iye
jugnuon ke gahne hain raat ke ḳhazane men
muntazir thi main kab se ik tiri navazish ki
der kyon lagate ho aankh ko uThane men
aur sabhi gile shikve phir kabhi uTha rakhna
vaqt biit ja.ega aap ko manane men
ham-safar mire hamdam rasta vahi manzil
is qadar takalluf kyon hal-e-dil sunane men
Leave a Reply