akhtar-ansari

Qasam In Aankhon Ki Jin Se Lahu Tapakta Hai

qasam in ankhon ki jin se lahu Tapakta hai

mire jigar men ik atish-kada dahakta hai

guzishta kahish o andoh ke ḳhayal Thahar

mire dimagh men shola sa ik bhaḌakta hai

kisi ke aish-e-tamanna ki dastan na kaho

kaleja meri tamannaon ka dhaḌakta hai

ilaj-e-‘aḳhtar’-e-na-kam kyuun nahin mumkin

agar vo ji nahin sakta to mar to sakta hai

More Poems

Leave a Comment