qarz-e-jan se nimat rahi hai hayat
us ki janib palat rahi hai hayat
rafta rafta ghata chhate jaise
bas isi tarah chhat rahi hai hayat
chehra pahchan tak nahin paati
gard men itni at rahi hai hayat
jaise suraj ghurub hota hai
phail kar yuun simat rahi hai hayat
kitne manzar hain ek manzar men
kitne hisson men bat rahi hai hayat
koi us ko badha na paaya ‘adil’
lamha lamha jo ghat rahi hai hayat
Leave a Reply