qarar dida-o-dil men raha nahin hai bahut
nazar-navaz mire koi gul surin hai bahut
rakha na ho kisi ḳhvahish ne sar ba-ḳhun is ko
tumhara honT ka.i din se atishin hai bahut
mila nahin hai mujhe vo magar pata hai mujhe
vo dusron ke liye bhi bacha nahin hai bahut
khula na ek bhi dar sar-kashidgi pe miri
hua huun ḳhaak to daman-kusha zamin hai bahut
rakha hua tha sar-e-taq-e-dil ik a.ina
bahut dinon se koi a.ina-nashin hai bahut
tumhara husn hi sho.ala-faza nahin hai mujhe
mira lahu bhi ka.i din se atishin hai bahut
main lahr lahr use jism-o-jan pe oḌhta huun
ghilaf aisa tira lams-e-maḳhmalin hai bahut
Leave a Reply