Iqbal Sajid
ḳhuda ne jis ko chaha us ne bachche ki tarah zid ki
ḳhuda baḳhshish karega is liye iqbal-‘sajid’ ki
gavahi dega ik din ḳhud mira munsif mire haq men
dhari rah ja.engi saari dalilen mire hasid ki
vahi jo pahle aaya tha vo sab ke ba.ad bhi aaya
usi paikar ne to pahchan karva.i hai mujid ki
jo mere dil men thi us ne vahi tahrir pahuncha.i
ab us se baḌh ke kya tarif ho sakti hai qasid ki
jo andar se nahin bahar se ḳhad-o-ḳhal manva.e
par asal-e-a.ina surat ganva deta hai qasid ki
havale se jo manva.e vo sachcha.i nahin hoti
qasam khata nahin huun is liye main rabb-e-vahid ki
Leave a Reply