Poet
jab aftab ki aag is zamin ko chaTegi
makan ki khoj men saḌkon pe bhiiḌ bhagegi
main dekhta hi rahunga tire sarapa ko
jab aankh so.egi meri nigah jagegi
jo Das rahi hai abhi jagti nigahon ki
savera hote hi vo raat zahr kha.egi
jo sona chaho to darvaze band kar lena
khula rahega ye kamra to dhuup jhankegi
labon pe niind ka ghalbe agar hua ‘shariq’
yaqin hai mere qalam ki zaban jagegi
Leave a Reply