qais vo natavan-e-sahra hai
kalbud nistan-e-sahra hai
atish-e-ishq se hai siina garm
jalva-e-barq jan-e-sahra hai
tere divana ke liye zanjir
mauj-e-rang-e-ravan-e-sahra hai
gham men kis sho.ala-ru ke dud-e-ah
atish-e-dudman-e-sahra hai
hai jo farhad da.avati-e-koh
qais bhi mehman-e-sahra hai
haif paik apna rah-ghalat-karda
taaza chashm-e-ravan-e-sahra hai
hai har ik harf chashm-e-ghul ‘vaqar’
is ghazal men bayan-e-sahra hai
Leave a Reply