Qaid-KHane Ki Hawa Mein Shor Hai Aalam Ka

qaid-ḳhāne kī havā meñ shor hai ālām kā

bhed khultā kyuuñ nahīñ ai dil tire ārām kā

fāḳhtā.eñ boltī haiñ bajroñ ke des meñ

tū bhī sun le āsmāñ ye giit mere naam kā

ThanDe paanī ke gagan meñ sātvīñ kā chāñd hai

yā girā hai barf meñ kingrā tumhāre baam kā

kūktā phirtā hai koī dhuup kī galiyoñ meñ shaḳhs

sun liyā hai us ne shāyad haal merī shaam kā

Leave a Comment