Sameena Syed
qahat-sali si qahat-sali hai
dil tiri yaad se bhi ḳhali hai
dekh tu asman ke bistar par
chand meri tarah savali hai
ḳhvab dekhun to kis tarah dekhun
niind us ne miri chura li hai
ham ne bujhte hue diye ki lau
tez andhi men phir uchhali hai
sach to ye hai ki kar-e-vahshat men
ham ne ye umr hi ganva li hai
hijr ki dopahar men ai ‘sayyad’
bazm yadon ki phir saja li hai
Leave a Reply