qadam uThe hain to dhuul asman tak jaa.e
chale chalo ki jahan tak bhi ye saḌak jaa.e
nazar uThao ki ab tirgi ke chehre par
ajab nahin ki koi raushni lapak jaa.e
gudaz jism se phulon pe ungliyan rakh duun
ye shaḳh aur zara sa agar lachak jaa.e
kabhi kabhar tire jism ka akela-pan
mire ḳhayal ki uryaniyat ko Dhak jaa.e
tire ḳhayal ki tamsil yuun samajh janan
dil o dimagh men bijli si ik chamak jaa.e
tire visal ki ummid yuun bhi TuuTi hai
ki aankh bhar bhi nahin paa.e aur chhalak jaa.e
kabhi kabhar bharose ka qatl yuun bhi ho
ki jaise paanv tale se zamin sarak jaa.e
Leave a Reply