qadam qadam pe vafa ka dayar raah men hai
ḳhusha ki naqsh-e-kaf-e-pa-e-yar raah men hai
har ek mauj men saz-e-fareb hai jis ki
vo ik sarab ba-har-e’tibar raah men hai
ye uḌ rahi hai jo ḳhun-rang ḳhaak har janib
kisi shahid-e-junun ka mazar raah men hai
na koi baat na maqsad na aarzu na saval
bas ek ghalghala-e-gir-o-dar raah men hai
sukun-e-shab hama naghma faza-e-shab hama nuur
magar abhi koi shab-zinda-dar raah men hai
pahunch chuke hain idhar ham-safar sar-e-manzil
udhar abhi ḳhalish-e-intizar raah men hai
qadam qadam pe gareban qadam qadam pe lahu
yahi to ek subut-e-bahar raah men hai
tiri talab ke taqaze tire husul ke ḳhvab
tiri talash bahar-e’tibar raah men hai
Leave a Reply