Poet
qadam qadam pe fareb-e-sabat rakh dena
bashar ke naam pe kul ka.enat rakh dena
hava-e-dard ki zad par hayat rakh dena
nihal-e-zaḳhm hara shash jihat rakh dena
lapeTna mujhe anfas ke salasil men
aur us ke ba.ad ka.i hadsat rakh dena
magar ye kya ki chhuri par aziyyat shab ki
kisi ki ho ki na ho meri zaat rakh dena
na niind ankhon men aa.e na ḳhvab hi aa.e
jo din Dhale to phir aisi hi raat rakh dena
na buund buund ko tarsun ki karbala men huun
nazar ke samne lekin furat rakh dena
yahi hai lazzat-e-guftar baat men apni
koi ḳhilaf-e-tabi.at bhi baat rakh dena
Leave a Reply