qadam-e-ḳhush-badanan sho.abda-gar hai ki nahin
ye zamin-lala-ruḳh-o-kisht-e-guhar hai ki nahin
dekhiye rang-e-hina ru-e-shafaq josh-e-bahar
ta.ir-e-ḳhvab to hai tab-e-safar hai ki nahin
be-sabab main nahin tasir-e-nazar ka qaa.il
zaḳhm ghuncha-sifat-o-shaḳh-e-samar hai ki nahin
teri avaz kalid-e-chamanastin hai magar
sina-e-nai men gudaz-e-gul-e-tar hai ki nahin
dekhne ja.un qad-o-ariz-o-gesu-e-sanam
sochta huun ki koi rah-o-mafar hai ki nahin
sar paTakti hui ik mauj ne dariya se kaha
ab-e-asuda-e-dariya mira ghar hai ki nahin
zor-e-amvaj-e-talatum se hai dariya dariya
harf-e-be-sud ki dariya men guhar hai ki nahin
Leave a Reply