ahmad-rahi

Qad O Gesu Lab-O-Rukhsar Ke Afsane Chale

qad o gesu lab-o-rukhsar ke afsane chale

aaj mahfil men tire naam pe paimane chale

abhi tu ne dil-e-shorida ko dekha kya hai

mauj men aae to tufanon se takrane chale

dekhen ab rahta hai kis kis ka gareban sabit

chak-e-dil le ke tiri bazm se divane chale

phir kisi jashn-e-charaghan ka guman hai shayad

aaj har samt se pur-sokhta parvane chale

ye masihai bhi ik turfa-tamasha hai ki jab

dam ulat jaae to vo zakhmon ko sahlane chale

jis ne uljhaya hai kitne hi dilon ko yaaro

ham bhi us zulf-e-girah-gir ko suljhane chale

More Poems

Leave a Comment