Qabr

shahzada lipatta hai mujh se aur duur kahin

chidiya ko saanp nigalta hai

sanson men ghulti hain sansen aur!

zahr utarta jaata hai

lamhat ke niile qatron men

kanon men mire ras gholta hai shabdon ka milan! aur man bhitar

ik chikh sunai deti hai

jalti poron men kanpti hai be-maya lams ki khamoshi

us ke hathon se likhti huun main ishq-badan ki mitti par

us ki ankhon ke goristan men dekhti huun ik qabr nai

aur shahzade ke siine par sar rakh kar so jaati huun