Afzal Hazarvi
purane sab nazare ja rahe hain
nae manzar ubhare ja rahe hain
udhar hai sard-mehri aur idhar se
isharon par ishare ja rahe hain
safina ho raha hai gharq-e-tufan
nigahon se kinare ja rahe hain
nahin batin pe ab koi tavajjoh
faqat zahir sanvare ja rahe hain
shab-e-gham men rukh-e-raushan ke jalve
andheron ko nikhare ja rahe hain
kahin bikhri padi hai zulf ‘afzal’
kahin gesu sanvare ja rahe hain
Leave a Reply