pochhiye mat kya hua kaise hua
but koi mera ḳhuda kaise hua
aadmi behad bura tha vo magar
phir achanak vo bhala kaise hua
jis diye ki aabru thi raushni
vo taraf-dar-e-hava kaise hua
main jise samjhi na thi vo ishq tha
haan magar phir vo saza kaise hua
aadmi se puchhta hai aadmi
aadmi ḳhud se juda kaise hua
mujh ko aaya tha manane ke liye
kya ḳhabar mujh se ḳhafa kaise hua
sochti rahti huun main aksar ‘sabin’
jo nahin socha gaya kaise hua
Leave a Reply