piya ke nayan men bahut chhand hai
o vu zulf men jiiv ka anand hai
sajan yuun mithai suun bole bachan
ki us khush bachan men lazat qand hai
mohan ke o do gaal tashbih men
suraj ek duuja so juun chand hai
naval mukh suhe husn ka phulban
nayan mrig hor zulf us phand hai
uu kisvat the jiiv baas mahke sada
tu uu baas nariyan ka dil-band hai
piya kuun bula liyae huun ap mandir
dutan man men us the haman dand hai
nabi sadqe ‘qubta’ kuun ap sej lyaai
to chaundhar khushyan hor anand hai
Leave a Reply