poet

Main To Sau Bar Tere Milne Ko Aaya Tanha

main to sau baar tire milne ko aaya tanha

lekin afsos kabhi tujh ko na paaya tanha

shirk se khali kisi ka na nazar aaya dil

vo bade zarf hain jin men tu samaya tanha

kis ko daava nahin ulfat ka tiri aalam men

ashiqon men tire main hi na kahaya tanha

band-e-kakul men tire ji bhi hamara hai asiir

daam men zulf ke dil hi na phansaya tanha

kal ‘jahandar’ ham aur yaar the tuk mil baithe

bakht-e-na-saz ne phir aaj bithaya tanha

More Poems

Leave a Comment