Syed Mohammad Askari Arif
ishq tajdid kar ke dekhte hain
phir se ummid kar ke dekhte hain
qatl karte hain apni hasti ka
aur phir iid kar ke dekhte hain
us ki tanqid karne se pahle
apni tanqid kar ke dekhte hain
roz hanste hain muskurate hain
aaj nam diid kar ke dekhte hain
kuchh na hasil hua ghazal kah kar
aao tamjid kar ke dekhte hain
vasf maqbul kar ke dekhte hain
husn tardid kar ke dekhte hain
aaj aarif muqallidin ki ham
ḳhud hi taqlid kar ke dekhte hain
Leave a Reply