Poet
piiri nahin chalti ki faqiri nahin chalti
is ishq men har ek ki marzi nahin chalti
paḌti hai bana kar hamen rakhni isi ḳhatir
duniya ke bina apni faqiri nahin chalti
hathon se ganvate hue tujh ko yahi sochun
taqdir ke aage to kisi ki nahin chalti
kis vaste rakh legi bharam mera ye duniya
main janta huun meri kahin bhi nahin chalti
duniya se bas itni si shikayat rahi ham ko
ye saath hamare kabhi sidhi nahin chalti
Leave a Reply