Ahmad Nadeem Qasmi
phulon se lahu kaise tapakta hua dekhun
ankhon ko bujha luun ki haqiqat ko badal duun
haq baat kahunga magar ai jurat-e-izhar
jo baat na kahni ho vahi baat na kah duun
har soch pe khanjar sa guzar jaata hai dil se
hairan huun ki sochun to kis andaz men sochun
ankhen to dikhati hain faqat barf se paikar
jal jaati hain poren jo kisi jism ko chhu luun
chehre hain ki marmar se tarashi hui lauhen
bazar men ya shahr-e-khamoshan men khada huun
sannate uda dete hain avaz ke purze
baron ko agar dasht-e-musibat men pukarun
milti nahin jab maut bhi mange se to yarab
ho izn to main apni salib aap utha luun
Leave a Reply