phulon ki anjuman men bahut der tak raha
koi mire chaman men bahut der tak raha
aaya tha mere paas vo kuchh der ke liye
suraj magar gahan men bahut der tak raha
main rokta raha use chalakiyon ke saath
vo apne bhole-pan men bahut der tak raha
jo shah mili to dil mira bebak ho gaya
nairangi-e-badan men bahut der tak raha
ankhon men aa gaya hai miri bhi zara sa daagh
phuul us ke pairahan men bahut der tak raha
aaya nahin hai khinch ke laana paḌa mujhe
dil yaar ke vatan men bahut der tak raha
us ke baghair jaise jahannam hai zindagi
main jannat-e-adn men bahut der tak raha
donon se saath saath mulaqat ho ga.i
kuchh sarv kuchh saman men bahut der tak raha
Leave a Reply