Phul Se zaKHmon Ka Ambar Sambhaale Hue Hain

phuul se zaḳhmoñ kā ambār sambhāle hue haiñ

ġham kī pūñjī mire ash.ār sambhāle hue haiñ

ham se pūchho na shab-o-roz kā aalam socho

kaise dhaḌkan kī ye raftār sambhāle hue haiñ

ghar bhī bāzār kī mānind rakhe haiñ apne

vo jo bāzār kā me.ayār sambhāle hue haiñ

ek novel haiñ kabhī paḌh tū hameñ fursat meñ

tan-e-tanhā ka.ī kirdār sambhāle hue haiñ

ham mohabbat ke tale kaañp rahe haiñ aise

jaise darkī huī dīvār sambhāle hue haiñ

zaḳhm le kar ye sabhī apne maiñ jaatā bhī kahāñ

yuuñ bhī ijlās gunāhgār sambhāle hue haiñ

Leave a Comment