phuul meri zaat ke sahraon men bo ja.ega
aane vaali barishon men vo mira ho ja.ega
vo to ik darvesh hai shahr-e-vafa ki ḳhaak par
hijr ki oḌhega chadar chain se so ja.ega
koi bhi marta nahin hai marne vaale ke liye
vo bhi sab ke saath aa.ega mujhe ro ja.ega
chand taron ki mohabbat zeb deti hai use
bas ye ḳhadsha hai ḳhalaon men kahin kho ja.ega
vo agar barse to saari gard dasht-e-hijr ki
ek pal men tez barish ki tarah dho ja.ega
ek ka ban kar rahega to zamana hai ‘na.im’
bevafa jis din hua lamhon ka vo ho ja.ega
Leave a Reply