Abdullah Javed
phuul ke laaeq faza rakhni hi thi
dar hava se tha hava rakhni hi thi
go mizajan ham juda the khalq se
saath men khalq-e-khuda rakhni hi thi
yuun to dil tha ghar faqat allah ka
but jo paale the to ja rakhni hi thi
tark karni thi har ik rasm-e-jahan
haan magar rasm-e-vafa rakhni hi thi
sirf kaabe par na thi hujjat tamam
bad-e-kaba karbala rakhni hi thi
Leave a Reply