Poet
phuul jitne hain tumhare haar men
sab gundhe hain ansuon ke taar men
jis ne chaha tujh ko sar-gardan raha
dasht men koi koi kohsar men
dil ke tukde o sitamgar bandh le
koi khanjar men koi talvar men
har jagah hain chahne vaale tire
koi sahra men koi gulzar men
hai jagah sar phod lene ko bahut
kya dhara hai aap ki divar men
tu agar dam bhar ko aa jaae masih
jaan aa jaae tire bimar men
jo bane ai charkh vo ham par bane
par na farq aae tiri raftar men
ankhon hi ankhon men ai ‘anjum’ kati
raat saari intizar-e-yar men
Leave a Reply