Poet
phirta huun bhaTakta koi rahbar nahin milta
hai vo nighra us ka mujhe ghar nahin milta
yarab maraz-e-ishq hai ya koi bala hai
chain is dil-e-betab ko dam bhar nahin milta
ham kis se karen da.ava-e-ḳhun kijiye insaf
maqtul hain jis ke vo sitamgar nahin milta
sab arzuen dil ki ba-ḳhubi nikal aa.en
tanha vo kabhi ham se ghaḌi bhar nahin milta
naqd-e-dil-o-jan nazr karun muft hi lekin
mujh ko mire Dhab ka koi dilbar nahin milta
achchha kiya jo aa rahe ankhon men hi vo ‘faiz’
aisa kahin duniya men unhen ghar nahin milta
Leave a Reply