Phir Ek Tir Sambhaala Usne Mujh Pe Nazar Dali

phir ik tiir sambhālā us ne mujh pe nazar Daalī

āḳhirī nekī thī tarkash meñ vo bhī kar Daalī

Thahro yahīñ ai qāfile vaalo aayā dasht-e-balā

us ne ye kah ke apne sar par ḳhāk-e-safar Daalī

aur koī duniyā hai terī jis kī khoj karūñ

zehn meñ phir ik samt bikherī rāhguzar Daalī

haath havā ke baḌhne lage haiñ bastī ke atrāf

dekho us ne chiñgārī ab kis ke ghar Daalī

chashm-e-falak kā ik aañsū hai gardish kartī zamīñ

kyā pesh aayā jo us ne binā-e-dīda-e-tar Daalī

vaqt se pūchho vaqt se sachchā shāhid koī nahīñ

kis ne teġh uThā.ī ran meñ kis ne sipar Daalī

maiñ to bas gauhar se ḳhālī ek sadaf huuñ ‘ramz’

mushkil hogī us ne koī baat agar Daalī

Leave a Comment