phir ik tiir sambhala us ne mujh pe nazar Daali
aḳhiri neki thi tarkash men vo bhi kar Daali
Thahro yahin ai qafile vaalo aaya dasht-e-bala
us ne ye kah ke apne sar par ḳhak-e-safar Daali
aur koi duniya hai teri jis ki khoj karun
zehn men phir ik samt bikheri rahguzar Daali
haath hava ke baḌhne lage hain basti ke atraf
dekho us ne chingari ab kis ke ghar Daali
chashm-e-falak ka ik aansu hai gardish karti zamin
kya pesh aaya jo us ne bina-e-dida-e-tar Daali
vaqt se puchho vaqt se sachcha shahid koi nahin
kis ne tegh uTha.i ran men kis ne sipar Daali
main to bas gauhar se ḳhali ek sadaf huun ‘ramz’
mushkil hogi us ne koi baat agar Daali
Leave a Reply