phir aisa moḌ is qisse men aaya
main sadiyan ghuum kar lamhe men aaya
mira rasta kisi jangal se guzra
ki ḳhud jangal mire raste men aaya
kisi ke arsh par hone ka da.ava
samajh ik shab mujhe nashshe men aaya
main apne ghar baḌi muddat se ke ba.ad aaj
kisi mehman ke dhoke men aaya
tira kirdar chalte-phirte ik din
miri rudad ke kuche men aaya
yunhi ik din hujum-e-ḳhal-o-ḳhad men
nazar ḳhud ko vo a.ine men aaya
munDeron se utar kar ḳhauf koi
dabe paanv mire kamre men aaya
Leave a Reply