phir aa.i fasl-e-gul ai yaar dekhiye kya ho
junun ka dil men chubha ḳhaar dekhiye kya ho
sab ashna hue us ke bichhaḌte begane
hui hai be-kasi ab yaar dekhiye kya ho
chaman men bandhne ko ashiyana-e-bulbul
gulon ne jam.a kiye ḳhaar dekhiye kya ho
hua hai ye dil-e-divana qabil-e-zanjir
khule hain gesu-e-dildar dekhiye kya ho
vo sarv-qad ki mohabbat ka tauq juun qumri
hua hai mere gale haar dekhiye kya ho
vo ‘uzlat’ ab mira bujhega gham ki arasi dekh
hua hai apna giraftar dekhiye kya ho
Leave a Reply