Poet
phata padta hai joban aur josh-e-nau-javani hai
vo ab to khud-ba-khud jaame se bahar hote jaate hain
nazar hoti hai jitni un ko apne husn-e-surat par
sitamgar be-muravvat kina-parvar hote jaate hain
bhala is husn-e-zebai ka un ke kya thikana hai
ki jitne aib hain duniya men zevar hote jaate hain
abhi hai taaza taaza shauq-e-khud-bini abhi kya hai
abhi vo khair se nakhvat ke khugar hote jaate hain
vo yuun bhi mah-e-talat hain magar shokhi qayamat hai
ki jitne bad-maza hote hain khush-tar hote jaate hain
Leave a Reply