peD Tabir Ke Hare Hote

peḌ ta.abīr ke hare hote

mere gar ḳhvāb nā bike hote

kaash ham ek hī mohalle meñ

mil ke ik saath hī baḌe hote

phir bhī kuchh aasrā to ho jaatā

saath khoToñ ke gar khare hote

ham kabhī rāsta bhaTakte nahīñ

diip rāhoñ meñ gar jale hote

dasht se yuuñ na vāsta paḌtā

ham agar ishq se pare hote

dhuup se dostī agar hotī

mere ghar ke shajar hare hote

maiñ to āvāz de rahī thī tumheñ

do ghaḌī kaash tum ruke hote

Leave a Comment