ibtida thi na intiha kuchh der
darmiyan thi magar sada kuchh der
vo mire saath saath chalta tha
main jise puchhta raha kuchh der
us ka dhyan us ki yaad jaise gulab
naz-parvarda-e-saba kuchh der
ajnabi shakl par paḌi thi nazar
aa.i hai bu-e-ashna kuchh der
aur kya thi haqiqat-e-duniya
haath par haath tha dhara kuchh der
guhar-e-ḳhasta ab-dar hua
ḳhak-o-ḳhun men paḌa raha kuchh der
asl kirdar dast-e-gul-chin hai
bad-e-sarsar thi shola-za kuchh der
Leave a Reply