payam-e-yas na de ai nigah-e-yar mujhe
rakh iztirab ki ḳhatir umid-var mujhe
na.e karishme dikhata hai e’tibar mujhe
ḳhizan hai alam-e-nairangi-e-bahar mujhe
vufur-e-shauq se ankhon men ruuh khich aa.i
payam-e-maut tha va.ade ka e’tibar mujhe
nazar uTha ki miri zindagi kahe labbaik
main kho na ja.un kahin ik zara pukar mujhe
jaza hai gham ki to mil jaa.e aaj ai ‘mani’
ki sau ghamon ka hai gham kal ka intizar mujhe
Leave a Reply