rashk-e-adu men dekho jaan tak ganva hi denge
lo jhuut jante ho ik din dikha hi denge
avaz ki tarah se baithenge aaj ai jaan
dekhen to aap kyuun kar ham ko utha hi denge
ud jaunga jahan se ashiq ka rang ho kar
naqsh-e-qadam nahin huun jis ko mita hi denge
ghairon ki justuju ki muddat se aarzu hai
ye yaad vo nahin hai jis ko bhula hi denge
shoale nikal rahe hain har ustukhvan se apni
shamen ye vo nahin hain jis ko bujha hi denge
khamosh guftugu hain afsurda aarzu hain
vo dil nahin hamara jis ko hansa hi denge
us khaak tak pahunch kar phirna ‘nasim’ mushkil
huun ashk-uftada kyuun kar utha hi denge
Leave a Reply