pattiyan ho ga.iin hari dekho
ḳhud se bahar bhi to kabhi dekho
phir khili kya koi kali dekho
shor hai kyuun gali gali dekho
yaad aur yaad ko bhulane men
umr ki fasl kaT ga.i dekho
maar koi shikar par nikla
dasht men raushni hui dekho
raat ki raakh munh pe mal mal kar
sub.h kitni sanvar ga.i dekho
sub.h ki fikr ba.ad men karna
raat kitni guzar ga.i dekho
zindagi kis tarah tumhari ‘nizam’
uljhanon se ulajh ga.i dekho
Leave a Reply