nusrat-mehdi

Pattharon Se Dosti Kya Bha Gai

pattharon se dosti kya bha gai

ik nadi apni ravani kha gai

der tak qismat padi soti rahi

dhuup ghar ke bam-o-dar tak aa gai

ik kiran khushbu ki surat aai aur

na-gahan kamra mira mahka gai

khud ujalon ke liye mangi dua

apni tariki se shab ghabra gai

chand utra nuur ki mahfil men jab

raushni hi raushni par chha gai

More Poems

Leave a Comment