Poet
jahan se dosh-e-azizan pe baar ho ke chale
ye su-e-mulk-e-adam sharmsar ho ke chale
hamare dekhne ko ḳhush abhi se hain aada
zara na dekh sake ashk-bar ho ke chale
pahunch hi jaoge maiḳhane men ḳhizar tum bhi
hamare saath jo yaron ke yaar ho ke chale
tumhari rah ka raha ham ko har taraf dhoka
chale jidhar ko so be-iḳhtiyar ho ke chale
sana-nigar ye hai kis ki ḳhalq ka ‘arif’
qalam varaq pe na kyuun ashk-bar ho ke chale
Leave a Reply