Poet
jab se apne aap ko pahchanta huun main
parde men har libas ke uryan hua huun main
mujh se milo ki main huun zamane ki raushni
zulmat men aftab ki surat paḌa huun main
ankhen bhi hon to dekhna asan nahin mujhe
tabaniyon ki kohar men Duuba hua huun main
ab apni shakl DhunDhta phirta huun char-su
tufan-e-sad-nigah men gum ho gaya huun main
gahre samundaron ki tarah ḳhamushi men gum
apni sada ke sehr se lab kholta huun main
lamhon ka lams kar gaya patthar mujhe ‘nadim’
lekin lahu ki aanch se hiira bana huun main
Leave a Reply