kaifi-azmi

Patthar Ke Khuda Wahan Bhi Pae

patthar ke khuda vahan bhi paae

ham chand se aaj laut aae

divaren to har taraf khadi hain

kya ho gae mehrban saae

jangal ki havaen aa rahi hain

kaghaz ka ye shahr ud na jaae

laila ne naya janam liya hai

hai qais koi jo dil lagae

hai aaj zamin ka ghusl-e-sehat

jis dil men ho jitna khuun laae

sahra sahra lahu ke kheme

phir pyase lab-e-furat aae

More Poems

Leave a Comment