Sufi
kuchh hasin yaden bhi hain dida-e-nam ke saath saath
zindagi men husn bhi goya hai gham ke saath saath
dil tire hamrah jaata hai ki paaya jaata hai
naqsh-e-dil mera tire naqsh-e-qadam ke saath saath
us ke saae ki tarah dekha nahin us se juda
ham ne to yazdan ko paaya hai sanam ke saath saath
taaki huun donon ki lazzat se barabar mustafid
vo karam farmate rahte hain sitam ke saath saath
‘soz’ un ki chaah men ham ne sada mahsus ki
ek anjani soz-e-gham ke saath saath
Leave a Reply