ik raz-e-dilruba ko bayan hona hai abhi
harf-o-sada ko sho.ala-ba-jan hona hai abhi
jaagi hai dil men shahd-e-shahadat ki aarzu
rah-e-vafa ka sang-e-nishan hona hai abhi
roka hua hai tum ne havaon ko kis liye
is raakh men sharar ka guman hona hai abhi
sansen shabon ki jaan ki tanaben ukhaḌ ga.iin
agle safar pe ham ko ravan hona hai abhi
mahsur hai vo kibr-o-ana ke hisar men
us se ta.aruf apna kahan hona hai abhi
ta.abir ki talash men phirte hain ḳhvab ḳhvab
chashm-e-jahan pe aks-fashan hona hai abhi
Leave a Reply