Jaleel Aali
kya rabt ek dard se bante chale ga.e
jangal men jaise raste bante chale ga.e
kaḌiyan kaḌi quyud ki baḌhti chali ga.iin
hiile rah-e-najat ke bante chale ga.e
honTon pe khil uTha to hua dagh-e-dil dua
kya kya suḳhan ke silsile bante chale ga.e
kis surat-e-sabat pe Thahri nigah-e-dil
ik raqs-e-rau men TuTte bante chale ga.e
bote rahe lahu ke diye ham zamin men
ḳhurshid asman pe bante chale ga.e
‘ali’ muqable ka na koi udu raha
ham aap apne dusre bante chale ga.e
Leave a Reply