Poet
jab apna muqaddar Thahre hain zaḳhmon ke gulistan aur sahi
kuchh surḳhi-e-ḳhanjar aur siva rangini-e-daman aur sahi
dildari-e-dast-e-qatil ko baaqi hain hamin to aao chalo
is kucha-e-janan men yaaro ik jashn-e-charaghan aur sahi
kaTte hain kaTen bazu-o-gulu bahta hai bahe gulnar-e-lahu
ik marka-e-dil aur sahi ik marka-e-jan aur sahi
kaTte hi kaTegi hijr ki shab liye dard chalo ta-sub.h-e-tarab
in shauq ki maari ankhon se kuchh va.ada-o-paiman aur sahi
bichhne do bisat-e-zist agar jiite to sar-afrazi varna
sab haare hue to baiThe ho ye naqd-e-dil-o-jan aur sahi
Leave a Reply