Poet
paas jis ke na tha kuchh raḳht-e-safar main hi tha
raat ke dasht men be-ḳhauf-o-ḳhatar main hi tha
duur tak da.era-dar-da.era gharqab hua
sina-e-shab men siyahi ka bhanvar main hi tha
baar se aaj har ik shaḳh jhuki jaati hai
ya chaman men kabhi be-barg-o-samar main hi tha
mere atraf sadaon ka ghana jangal tha
tez andhi men bikharne ko magar main hi tha
jaane vo kaun tha main DhunD raha tha jis ko
jo mire samne aaya tha agar main hi tha
Leave a Reply