Poet
nizam-e-gulshan-e-hasti badal ke dam lenge
hudud-e-ranj-o-alam se nikal ke dam lenge
shu.ur hasil-e-maqsad jise samajhta hai
ye azm hai usi manzil pe chal ke dam lenge
mata-e-amn luTa.enge ham zamane men
nizam-e-jabr-o-tashaddud kuchal ke dam lenge
nadim bahr-e-musibat men surat-e-tufan
machal machal ke uThenge sambhal ke dam lenge
nahin pasand rivaj-e-kohan hamen ‘qaisar’
na.e nizam ke sanche men Dhal ke dam lenge
Leave a Reply