Poet
kuchh aisi TuuT ke shahr-e-junun ki yaad aa.i
duha.i dene lagi aaj meri tanha.i
gale mili hain ka.i aa ke dilruba yaden
kahin ye ho na tiri shakl-e-yad-farma.i
kuchh is qadar the saham-nak hadsat-e-hayat
ki tab-e-did na rakhti thi meri bina.i
siyah kiye hain varaq main ne is tavaqqo.a par
kabhi to hogi mire dard ki pazira.i
badan se rog ne kar li muvafiqat shayad
vahi hai zaḳhm mira aur vahi hai gahra.i
ilaaj DhunDhta phirta huun dukh ke nagri men
miri rasa.i se bahar hui masiha.i
us ik nazar ne mujhe Dher kar diya ‘shahid’
kisi bhi kaam na aa.i miri tavana.i
Leave a Reply