pas-e-tark-e-ishq bhi umr-bhar taraf-e-mizha pe tari rahi
miri kisht-e-jan bhi ajiib hai ki ḳhizan ke saath hari rahi
ka.i baar daur-e-kasad men gire mehr-o-mah ke daam bhi
magar ek qimat-e-jins-e-dil jo khari rahi to khari rahi
na vo rasm-e-pardagi-e-vafa na chhupa chhupa sa payam hai
na shamim-o-gul se kalam hai na saba ki nama-bari rahi
main tahi-nasib sahi magar miri chashm-e-nam ko dua to de
tiri maang ai shab-e-zindagi sada motiyon se bhari rahi
sar-e-dasht-e-tar guzar len kisi taur raat ye umr ki
na lagegi aankh agar yuun hi hamen fikr-e-shab-basri rahi
Leave a Reply